ഗുരുവായൂരിൽ ആരാധനയ‌്ക്ക് തടസ്സം സൃഷ്ടിച്ച് രഥയാത്ര

​ഗുരുവായൂർ
ബിജെപി പ്രസിഡന്റിന്റെ  ആചാരസംരക്ഷണ രഥയാത്ര  ​ഗുരുവായൂർ ക്ഷേത്രത്തിലെത്തിയ നൂറുകണക്കിന് ഭക്തരുടെ ആരാധനക്ക് തടസ്സം സൃഷ്ടിച്ചു.

​ഗുരുവായൂർ ക്ഷേത്രത്തിലേക്ക് ആരാധനയ‌്ക്കായി  ഭക്തർപോകുന്ന കിഴക്കേ നട റോഡ്  അടച്ച് ബിജെപി സംസ്ഥാനപ്രസിഡന്റ് ശ്രീധരൻ പിള്ളയും തുഷാർ വെള്ളാപ്പിള്ളിയും നയിക്കുന്ന ആചാരസംരക്ഷണ രഥയാത്ര സ്വീകരണമാണ‌് ഭക്തരെ വലച്ചത്.പകൽ  മൂന്നിന് നിശ്ചയിച്ച സ്വീകരണമായിരുന്നെങ്കിലും രണ്ടുമുതൽക്കേ   കസേര നിരത്തിയതോടെ ​ക്ഷേത്രത്തിലേക്ക് ആളുകളെ കടത്തിവിടാതായി. 200 ഓളം വിവാഹങ്ങളും മറ്റു ചടങ്ങുകളും ഉണ്ടായിരുന്ന ​ഗുരുവായൂർ ക്ഷേത്രത്തിൽ ഏകാദശികാലം കൂടിയായതിനാൽ വൻതിരക്കായിരുന്നു. ചെമ്പൈ സം​ഗീതോത്സവത്തിനുള്ളവർകൂടി വന്നതോടെ വൻതിരക്കായിരുന്നു. നാലുമണിക്കൂറോളം ഇതുവഴി ആരേയും കടത്തിവിട്ടില്ല. രാത്രി ഏഴോടെയാണ് പരിപാടി കഴിഞ്ഞത്.  

ന​ഗരസഭാ ലൈബ്രറിക്കുമുന്നിലെ  ട്രാഫിക്‌   ഐലൻഡ‌് മുതൽ ​ഗുരുവായൂർ ക്ഷേത്രപ്രവേശന സത്യ​ഗ്രഹ കവാടം വരെ നടുറോഡിൽ കസേരനിരത്തിയാണ് ശ്രീധരൻപിള്ളക്ക് സ്വീകരണമൊരുക്കിയത്.​​ ഗുരുവായൂർ ഫയർഫോഴ്സിന്റെ ​ഗേറ്റിനുമുന്നിലും കസേര നിരത്തി.
ന​ഗരസഭാ ലൈബ്രറി,​ ന​ഗരസഭാ ഓഫീസ് എന്നിവിടങ്ങളിലേക്കും ആർക്കും പ്രവേശിക്കാനാകാത്ത അവസ്ഥയായിരുന്നു.  ഫയർ ഫോഴ്സിനുപോലും വാഹനം പുറത്തിറക്കാൻ കഴിയാത്ത അവസ്ഥയായിരുന്നു.  ആദ്യമായാണ് ദർശനത്തിനെത്തുന്നവർ അടക്കമുള്ള യാത്രക്കാർക്ക് സഞ്ചാര സ്വാതന്ത്ര്യം നിഷേധിച്ച് റോഡിന് മധ്യത്തിൽ സമ്മേളനം നടത്തുന്നത്.

from Kerala || Deshabhimani ​Online ​News https://ift.tt/2B21rb7