നാലുവോട്ടുകൾക്ക്‌ വേണ്ടി പറഞ്ഞതെല്ലാം വിഴുങ്ങാൻ ബുദ്ധിമുട്ടുള്ളവരല്ല സംഘപരിവാറും കോൺഗ്രസും: കോടിയേരി

ലിംഗസമത്വം സാമൂഹ്യനീതി തുടങ്ങിയ കാര്യങ്ങളിൽ സിപിഐ എമ്മിന്‌ പ്രഖ്യാപിത നിലപാടുകളുണ്ടെന്ന്‌ സിപിഐ എം സംസ്‌ഥാന സെക്രട്ടറി കോടിയേരി ബാലകൃഷ്‌ണൻ.  സാമൂഹ്യനീതിക്കുവേണ്ടിയുള്ള പോരാട്ടത്തില്‍ ഒരുവോട്ടും കിട്ടിയില്ലെങ്കിലും ആ നിലപാടുമായി തന്നെ സിപിഐ എം മുന്നോട്ടുപോകും. നിലപാടിലുകളിലെ സ്ഥിരത, ആർ എസ് എസ് - ബി ജെ പി സംഘപരിവാരങ്ങൾക്കും കോൺഗ്രസിനും ഒരിക്കലും അവകാശപ്പെടാൻ സാധിക്കുകയില്ല. അവർ നാല് വോട്ടുകൾക്ക് വേണ്ടി അതുവരെ പറഞ്ഞതെല്ലാം ലജ്ജയില്ലാതെ വിഴുങ്ങുന്നതിൽ ബുദ്ധിമുട്ടുള്ളവരല്ലെന്നും കോടിയേരി പറഞ്ഞു.

പോസ്‌റ്റ്‌ ചുവടെ

നിലപാടിലുകളിലെ സ്ഥിരത, ആർ എസ് എസ് - ബി ജെ പി സംഘപരിവാരങ്ങൾക്കും കോൺഗ്രസിനും ഒരിക്കലും അവകാശപ്പെടാൻ സാധിക്കുകയില്ല. അവർ നാല് വോട്ടുകൾക്ക് വേണ്ടി അതുവരെ പറഞ്ഞതെല്ലാം ലജ്ജയില്ലാതെ വിഴുങ്ങുന്നതിൽ ബുദ്ധിമുട്ടുള്ളവരല്ല.

ലിംഗസമത്വം സാമൂഹ്യനീതി തുടങ്ങിയ കാര്യങ്ങളിൽ സിപിഐ എമ്മിന്‌ പ്രഖ്യാപിത നിലപാടുകളുണ്ട്. സാമൂഹ്യനീതിക്കുവേണ്ടിയുള്ള പോരാട്ടത്തില്‍ ഒരുവോട്ടും കിട്ടിയില്ലെങ്കിലും ആ നിലപാടുമായി തന്നെ സിപിഐ എം മുന്നോട്ടുപോകും. ഭാവി കേരളം അത് അംഗീകരിക്കുകയും ചെയ്യും.

സ്ത്രീകള്‍ക്ക് ശബരിമലയില്‍ പ്രവേശനം അനുവദിക്കണം എന്ന നിലപാടാണ് സിപിഐ എമ്മിന് നേരത്തെ മുതല്‍ ഉണ്ടായിരുന്നത്. ആർ എസ് എസ് - ബി ജെ പി സംഘപരിവാരവും കോൺഗ്രസും പല സന്ദർഭങ്ങളിലും ശബരിമലയിൽ സ്ത്രീകളെ പ്രവേശിപ്പിക്കുന്നതിനെ സ്വാഗതം ചെയ്തെങ്കിലും ഇപ്പോൾ സ്ത്രീവിരുദ്ധ സമരവുമായി കുളംകലക്കുകയാണ്.

ഭരണഘടന അനുശാസിക്കുന്ന മൗലികമായ തത്വങ്ങളാണ് ശബരിമല സ്ത്രീ പ്രവേശന വിധിയിലൂടെ സുപ്രീംകോടതിയുടെ ഭരണഘടനാ ബഞ്ച് ഉയർത്തിപ്പിടിച്ചത്. നേരത്തെ മുംബൈ ഹൈക്കോടതി, മഹാരാഷ്ട്രയിലെ ശിംഘ്നാപ്പൂർ ശനിക്ഷേത്രത്തിൽ സ്ത്രീ പ്രവേശനത്തിനുള്ള വിധി പുറപ്പെടുവിച്ചതും ഭരണഘടനയിലെ തത്വങ്ങൾ ഉയർത്തിപ്പിടിച്ചായിരുന്നു.

ശനീശ്വരക്ഷേത്രത്തിൽ ഇന്ന് സ്ത്രീകൾ ആരാധന നടത്തുമ്പോൾ ആർ എസ് എസ് - ബി ജെ പി സംഘപരിവാർ പ്രസ്ഥാനങ്ങൾക്ക് അസ്വസ്ഥതയില്ല. കോൺഗ്രസും മഹാരാഷ്ട്രയിൽ അവിടെ നടന്ന നവോത്ഥാന പോരാട്ടങ്ങളെ പിൻപറ്റി നിൽക്കുകയാണ്.

കേരളത്തിൽ പ്രതിലോമകരമായ രാഷ്ട്രീയവുമായി കോൺഗ്രസും ആർ എസ് എസ് - ബി ജെ പി സംഘപരിവാരവും പരസ്പരം മത്സരിക്കുമ്പോൾ, പൊതുസമൂഹം അവരെ നന്നായി വിലയിരുത്തുന്നുണ്ട്. സ്വന്തം നിലപാടുകളിൽ ഉറച്ചുനിൽക്കാനുള്ള ആർജ്ജവമില്ലാത്ത സംഘടനകളെന്ന് ഇക്കൂട്ടർ ചരിത്രത്തിൽ രേഖപ്പെടുത്തിക്കഴിഞ്ഞു.

 

from Kerala || Deshabhimani ​Online ​News https://ift.tt/2QA1qjP