ഗൃഹലക്ഷ്മി ഫേസ്‌ ഓഫ് കേരള കിരീടം വൈശാഖി രാധാകൃഷ്ണന്

കൊച്ചി: അഴകും വ്യക്തിപ്രഭാവവും ഒത്തിണങ്ങിയ സുന്ദരിയായി അവൾ വേദിയിൽ നിറഞ്ഞുനിന്നു. കെയ്ത്ര - ഗൃഹലക്ഷ്മി ഫേസ്‌ ഓഫ് കേരള സീസൺ 2 -ൽ വിജയിയായി വൈശാഖി രാധാകൃഷ്ണൻ കിരീടമണിഞ്ഞു. 50,000 രൂപയും ഗൃഹലക്ഷ്മിയുടെ കവർ ഗേളാകാനുള്ള അവസരവുമാണ് ഒന്നാം സ്ഥാനക്കാരിക്ക് ലഭിച്ചത്. ഫസ്റ്റ് റണ്ണറപ്പ് ആയി ഗായത്രി എസ്. ഭട്ട് തിരഞ്ഞെടുക്കപ്പെട്ടു. 30,000 രൂപയാണ് സമ്മാനം. വി.എം. മാൻസി സെക്കൻഡ് റണ്ണറപ്പ്‌ ആയി തിരഞ്ഞെടുക്കപ്പെട്ടു. 20,000 രൂപയാണ് സമ്മാനം. കൊച്ചി ബോൾഗാട്ടി പാലസിൽ നടന്ന ഗ്രാൻഡ്‌ ഫിനാലെയിൽ 23 മത്സരാർത്ഥികൾ പങ്കെടുത്തു.സാരി, വെസ്റ്റേൺ ഔട്ട്ഫിറ്റ്, ഗൗൺ, ചോദ്യോത്തര വേള എന്നിങ്ങനെ വിവിധ റൗണ്ടുകളിലാണ് മത്സരം നടന്നത്. പ്രമുഖ മേക്കപ്പ് ആർട്ടിസ്റ്റ് ഷാൻ മുട്ടത്തിൽ, പ്രമുഖ മോഡൽ ആർഷ്യ അഹുജ, സംവിധായിക സൗമ്യ സദാനന്ദൻ എന്നിവർ വിധികർത്താക്കളായി. നടനും സംവിധായകനുമായ മധുപാൽ മുഖ്യാതിഥിയായി. കെയ്ത്രയാണ് മത്സരത്തിന്റെ ടൈറ്റിൽ സ്പോൺസർ. ആർ.എം.കെ.വി. സിൽക്സ്, ബട്ടർഫ്ലൈ, ലളിത ജൂവലറി മാർട്ട്, എൻ.എസ്. കായം എന്നിവരാണ് അസോസിയേറ്റ് പാർട്ണർമാർ. അഷ്ടമുടി വെൽനസാണ് മെയ്ക്ക് ഓവർ പാർട്ണർ. കോസ്റ്റ്യൂം കടപ്പാട് അഷിത തോമസിന്റെ ആത്രയീ. എ.വി.എ. ഗ്രൂപ്പ് സ്റ്റേറ്റ് സെയിൽസ് മാനേജർ ടി. സുരേഷ്, ആർ.എം.കെ.വി. സിൽക്സ് മാർക്കറ്റിങ് ഹെഡ് ശ്രീനിവാസ് നുറാനി, ബിസിനസ് ഡയറക്ടർ എൻ. ശ്രീനിവാസൻ, ബട്ടർഫ്ലൈ ഗാന്ധിമതി അപ്ലയൻസസ് പ്രസിഡന്റ് വി.എൽ.എം. കാർത്തികേയൻ, ഹെയർ സ്റ്റൈലിസ്റ്റ് അംബിക പിള്ള എന്നിവർ പങ്കെടുത്തു.

from mathrubhumi.latestnews.rssfeed https://ift.tt/2RM1nBA